Bir kilometrdən artıq məsafədə dayanacaq yoxdur - VİDEO

Nərimanov rayonu Təbriz küçəsində xeyli məsafədə avtobus dayanacağı yoxdur. Dayanacağın biri Təbriz 41 ünvanında, növbəti isə metronun 28 may stansiyasının yanındadır. Sakinlərin sözlərinə görə, əvvəl bu məsafədə əlavə 2 dayanacaq olub. Lakin sonradan ləğv edilib. Əslində isə azı 1 dayanacağa ehtiyac var.

Bakı Nəqliyyat Agentliyindən isə bildirildi ki, problemlə əlaqədar qurumun 141 nömrəli qaynar xəttinə də müraciətlər daxil olub. Agentliyin əməkdaşları tərəfindən araşdırma aparılıb və yaxın günlərdə həmin ərazidə 1 dayanacaq quraşdırılacaq.