BNA: Marşrut avtobuslarında NFC ödənişləri tətbiq olunacaq

Bu gün paytaxtdakı sərnişindaşıma avtobuslarının 77%-dən çoxu "BakıKart" sisteminə inteqrasiya olunub.
Bunu "APA-Economics"ə Bakı Nəqliyyat Agentliyinin (BNA) mətbuat xidmətinin rəhbəri Mais Ağayev deyib.
Onun sözlərinə görə, qalan digər avtobusların əksəriyyətində bu istiqamətdə aparılan texniki işlər yekunlaşıb və hazırda fasiləsizlik qorunmaqla kartoxuyucu cihazların quraşdırılması işləri aparılır.
"Quraşdırılan kartoxuyucular yeni ödəniş sistemlərinin, həm NFC, həm də birbaşa təmassız bank kartları ilə ödənişlərin qəbuluna imkan yaradacaq", - deyə M. Ağayev qeyd edib.
O həmçinin əlavə edib ki, "BakıKart"ın balansının artırılması üsullarının təkmilləşdirilməsi və müasirləşdirilməsinə dair strategiya hazırlanıb və görülən işlər bu strategiyaya uyğun aparılır: "İşlər mərhələli şəkildə aparılır. İlkin olaraq "BakıKart" tətbiq olunanda ödəmə terminalları yalnız avtobus dayanacaqlarında və bəzi iri ticarət mərkəzlərində quraşdırılırdı. Bu terminallar sərnişinlərin daha çox olduğu yerlərdə qoyulurdu. Növbəti mərhələ dayanacaqlardan kənar ödəmə imkanlarının təmin olunmasıdır ki, biz artıq bu işlərə başlamışıq. Məsələn, bu gün 1 200-dən çox olan "MilliÖn" ödəniş terminallarının 90%-i artıq "BakıKart" sisteminə inteqrasiya olunub və ödənişlər qəbul olunur. Digər terminalların da inteqrasiyası istiqamətində işlər yekunlaşmaq üzrədir".
Bundan əlavə, BNA rəsmisi əlavə edib ki, kartların balansını (online.bakikart.az) internet platforması üzərindən də artırmaq imkanı yaradılıb.
"Bakı ərazisində "OBA" marketlərlə də "BakıKart" ödənişlərinin qəbul olunması üçün POS-terminalların quraşdırılmasına dair razılıq əldə olunub. Növbəti mərhələdə gediş haqlarının NFC və bank kartları vasitəsilə ödənişlərinin təşkilidir ki, bu da elə də uzaq olmayan bir müddətdə mümkün olacaq", - deyə M. Ağayev əlavə edib.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












