Bu gün qayda pozan sürücüyə dünən protokol yazdılar - FOTO

Sürücü Rzayev Elbrus Aqət oğlu «Bizim Yol»a bildirib ki, bu gün Bakının 3-cü mikrorayon dairəsində yol polisi tərəfindən saxlanılıb və ona etmədiyi qayda pozuntusuna görə cərimə yazılıb. Qayda pozuntusu bu gün olsa da, protokolda bunun 17.12.2015-ci il tarixdə baş verdiyi göstərilib. «Bakı şəhər DYPİ yol patrul xidməti inspektoru, polis kiçik serjantı Murad Qafarov bu gün məni saxlayaraq, mənim “Yol hərəkəti haqında” qanunun 75-ci (yol ayrıcımı keçmə) maddəsinin tələbini pozduğumu iddia etdi. Mən bu iddianı qəbul etmədim. O da öz dediyini sübut edə bilmədi. Buna baxmayaraq məni İnzibati Xətalar Məcəlləsinin 151.2-ci maddəsi ilə təqsirli bilərək 60 manat cərimə elədi”, - deyə E.Rzayev bildirib.

O, yol polisinin qərarı ilə razı olmadığını, ona görə də protokola imza atmadığını və qərardan şikayət edəcəyini vurğuladı.