“Bu kərpiclər yoldan keçənlərin başına düşə bilər” - FOTO

“Nərimanov rayonu Ağa Nemətulla küçəsində yerləşən binanın damında kərpiclər qopub. Bu kərpiclər güclü yağış və ya bərk külək zamanı yoldan keçənlərin başına düşə bilər”. 

Avtosfer.az xəbər verir ki, bu barədə şəhid Vüsal Vəliyevin qardaşı Elyar İslamoğlu sosial şəbəkə hesabında yazıb. O paylaşıma hadisə baş verən binanın görüntülərini də əlavə edib. 

Məsələ ilə bağlı Fövqəladə Hallar Nazirliyinə sorğu ünvanladıq. Qurumun mətbuat xidmətindən bildirildi ki, məsələ araşdırıldıqdan sonra ətraflı məlumat veriləcək. 

(qafqazinfo)