"Bu, NATO-nun sonu olacaq" - KİV

ABŞ-nin yeni seçilmiş prezidenti Donald Tramp Qrenlandiyanı ələ keçirməyə cəhd etsə, NATO parçalana bilər. 

Avtosfer.az xəbər verir ki, bu barədə "The Hill" portalı yazıb. 

Nəşr xatırladıb ki, Qrenlandiya ABŞ kimi Şimali Atlantika Alyansının üzvü olan Danimarkanın bir hissəsidir.

Qəzet yazır ki, "NATO üzvü Danimarkanın etirazlarına görə Trampın Qrenlandiyanı ələ keçirməsi NATO-nun sonu olacaq, çünki onun aparıcı qüvvəsi digər üzvün ərazi bütövlüyünü pozduğu zaman heç bir alyans sağ qala bilməz".

Portal onu da xatırladıb ki, Tramp ilk dəfə 2019-cu ildə Qrenlandiyanı almağı təklif edib. O, Danimarkanın baş naziri Mette Frederiksendən rədd cavabı alıb və o, krallığın ərazisinin satılmadığını və satılmayacağını bildirib.

(Unikal)