Ceff Bezos NASA-ya qarşı açdığı məhkəmədə uduzdu

ABŞ-lı iş adamı Ceff Bezosa məxsus "Blue Origin" aerokosmik şirkətinin avqust ayında Milli Aeronavtika və Kosmos Agentliyinə açdığı iddianı qazana bilmədiyi açıqlanıb.

Unikal.org xəbər verir ki,  bu  barədə Ceff Bezos "Twitter" hesabında paylaşım edib.  

"Blue Origin" aerokosmik şirkəti, "Artemis" proqramı çərçivəsində SpaceX ilə imzaladığı 2,9 milyard dollarlıq Aya eniş aparatı müqaviləsi üçün Milli Aeronavtika və Kosmos Agentliyinə (NASA) qarşı açdığı iddiada uduzub. 

"Astronavtların Aya təhlükəsiz şəkildə qayıtması üçün NASA-nın dövlət-özəl tərəfdaşlıq modelinin qərəzsiz satınalma prosesinə və rəqabəti təşviq edən möhkəm siyasətə ehtiyacı var" , - deyə Bezos yazıb.

Ceff Bezos həmçinin tvitində "Bu, istədiyimiz nəticə deyildi, lakin məhkəmənin qərarına hörmət edirik və NASA və SpaceX-ə uğurlar arzulayırıq".