Cəlilabad məktəbliləri ilə "Narkomaniyaya yox deyək!" mövzusunda görüş keçirilib - FOTO

Cəlilabad Rayon Polis Şöbəsinin təşkilatçılığı ilə Günəşli kənd 1 və 2 nömrəli tam orta məktəblərinin şagirdləri ilə "Narkomaniyaya yox deyək!" mövzusunda görüş keçirilib. 

Çıxış edən Cəlilabad RPŞ-nin rəisi, polis polkovniki Polad Qarayev yeniyetmə və gənclərin narkomanlıq və digər zərərli vərdişlərdən qorunması üçün həyata keçirilən tədbirlər haqqından məlumat verib, gənc nəslin savadlı, vətənpərvər ruhda boyüməsi, sağlam inkişaf etməsi üçün görülməli olan işlərdən və qarşıda duran vəzifələrdən danışıb.

Şöbə rəisi narkomaniya bəlasının insan həyatında sağalmaz fəsadlara yol açdığını, sağlam nəslin formalaşması istiqamətində həyata keçirilən tədbirlər sırasında narkomaniya ilə mübarizənin önəm daşıdığını diqqətə çatdırıb.

Qeyd olunub ki, narkomaniyaya qarşı mübarizədə yalnız dövlətin deyil, eləcə də cəmiyyətin hər bir üzvünün fəal rol oynaması vacibdir.