Cəriməsini ödəyib, amma avtomobilin üzərindən həbs götürülmür - VİDEO

Məhkəmə avtomobilin üzərinəki həbsin götülməsi ilə bağlı qərar çıxarsa da, qərarı icra edən tapılmır. Avtosfer.az xəbər verir ki, sürücü Orxan Təhməzovun avtomobilinin üzərinə 5 il əvvəl qəza törətdiyi üçün məhkəmə tərəfindən həbs qoyulub. O, bir il sonra cəriməni ödəyib və məhkəmə avtomobin üzərindəki həbsin götürülməsi ilə bağlı qərar verib, amma 4 ildir qərar icra edilmir. Bundan sonra sürücü notariusa yaxınlaşdıqda ona yenidən bildirilib ki, avtomobilin üzərindəki həbs götürülməyib. Sürücü məsələ ilə bağlı yol polisinə təkrar müraciət etsədə problemi həll olmayıb.Avtomobilini satmaq istəyən sürücü nə edəcəyini bilmir.

Baş Dövlət Yol Polisi İdarəsinin şöbə rəisi Kamran Əliyev isə deyib ki, sistemdə həbsdən çıxarılma ilə bağlı hərəkətlər onlayn keçirilmədiyindən yubanmalar olur. Sürücü avtomobilin qeydiyyatını istədiyi zaman apara bilər. Notariusda etibarnamə verilməsi ilə bağlı hərəkətlərin edilməsi üçün isə 1-2 gündə gözləmək lazım gələcək.