Çin Avropa Birliyinə sanksiya tətbiq etdi

Çin Xalq Respublikası Sintszyan-Uyğur muxtar vilayəti ilə bağlı Avropa Birliyinin parlamentarilərinə, alim və siyasətçilərinə, dörd hüquqi şəxsinə qarşı sanksiyalar tətbiq edib.

Bu barədə Çin Xarici İşlər Nazirliyi bəyanat yayıb.

Bildirilib ki, rəsmi Pekin bu şəxsləri Çinin daxili işlərinə qarışdığı üçün “qara siyahı”ya salıb.

Siyahıda Avropa Parlamentinin beş üzvü - Raynhard Butikofer, Mixael Qaler, Rafael Qlyuksmann, İlhan Küçük, Miriam Leksman da var.

Niderlandlı parlamentari Syord Syordsma, Belçika parlamentinin üzvü Samuel Koqolati, Litva seyminin üzvü Dovil Şakalene, almaniyalı alim Adrian Çenç və isveçli tədqiqatçı Born Erdenin də adı Çinin sanksiya siyahısına düşüb.

Rəsmi Pekin bildirib ki, AB insan hüquqları ilə bağlı ikili standartlara son qoymasa, sanksiyalar davam edəcək./axar.az