Dayanacaqlardakı elektron tablolar sərnişinləri çaş-baş salıb - VİDEO 

Dayanacaqlarda quraşdırılmış və avtobusların getdiyi yerləri və gəlmə vaxtını göstərən elektron tablolar indi istifadəsiz qalıb. Buna səbəb marşurut xətlərində olan dəyişikliklərin bu tablolarda öz əksini tapmamasıdır.

Avtobus dayanacaqlarındakı elektron tablolar sərnişinləri çaş-baş salır. Monitorda marşurutun ərazidən keçdiyi göstərilsə də, həmin avtobus dayanacağa yaxınlaşmır.

Eyni hal Ziya Bünyadov prospektindəki dayanacaqlarda da müşahidə edilir. Üstəlik, bu tablolarda avtobusların gəlmə vaxtı ya heç göstərilmir, ya da səhv göstərilir. Bu isə sərnişinlərdə həmin tablolalara qarşı inamsızlıq yaradır.

Nəqliyyatın İntellektual İdarəetmə Mərkəzindən bildirilir ki, məsələdən xəbərdardırlar. Sadəcə olaraq hər bir marşurut xəttində baş verən dəyişikliyi sistemə tək-tək əlavə etmək mümkün deyil. Paytaxtdakı marşurut xətlərində edilən dəyişikliklər tam başa çatdıqdan sonra sistem yenidən yüklənəcək və problem birdəfəlik həll ediləcək.