"Dərnəgül”də metro deposu ilə avtomobil yolu əlaqələndiriləcək

"Dərnəgül” deposu ərazisində Avtomobil Yolları Dövlət Agentliyi tərəfindən dövlət proqramına uyğun olaraq avtomobil və piyada ötürücü tunelinin inşası açıq üsulla aparılır.

Avtosfer.az xəbər verir ki, bunu "Bakı Metropoliteni" QSC-nin mətbuat katibi Bəxtiyar Məmmədov deyib.

Onun sözlərinə görə, “Dərnəgül”də metro deposu ilə avtomobil yol infrastrukturu əlaqələndiriləcək.

““Dərnəgül” elektrik deposu ərazisində tunellərdə yol infrastrukturu üzrə əsas işlər artıq tamamlanıb, hazırda yol infrastrukturuna daxil olan digər texniki elementlər üzərində işlər aparılır. Eyni zamanda, qatarların təmiri, dayanması və baxışı üçün nəzərdə tutulan sahənin inşası üzrə işləri aparılır”, - deyə Bəxtiyar Məmmədov vurğulayıb.