DİN Bakıda körpəsini soyuqda donduran qadınla bağlı TƏDBİR GÖRDÜ

Daxili İşlər Nazirliyi (DİN) Nəsimi rayonu, Rəsul Rza küçəsində körpəsini soyuqda donduraraq, dilənən qadın barədə açıqlama verib.

DİN-in Mətbuat Xidmətinin əməkdaşı, polis kapitanı Nurlan Əliyev bildirib ki, dilənçilik, avaralıq və tüfeyli həyat tərzi sürən şəxslərlə bağlı profilaktiki tədbirlər polis əməkdaşları tərəfindən diqqət mərkəzində saxlanılmaqla davam etdirilir:

“Polis əməkdaşları tərəfindən aşkarlanmış, dilənçiliyi həyat tərzinə çevirərək soyuq hava şəraitində azyaşlını yanında saxlamaqla onun sağlamlığını təhlükəyə atan şəxslə bağlı da qanunamüvafiq tədbirlər görülüb”.

***

Bakıda qadın körpəsi ilə dilənir. 

Bu barədə sosial şəbəkələrdə məlumat yayılıb. 

Belə ki, qadın bütün günü alış-veriş mərkəzlərinin birinin qarşısında körpəsini soyuqda dondurur. 

Ətrafda olan şəxslər qadının qucağındakı uşağın hər zaman yatdığını bildiriblər.

Uşağın xüsusi dərmanla yatırıldığını iddia ediblər. 

(oxu.az)