Dünyanın ən yaxşı hava yolu şirkətləri - SİYAHI

Beynəlxalq hava nəqliyyatının reytinqi üzrə şirkət, Londonda yerləşən Skytrax 1999-cu ildən bəri hər il təqdim etdiyi dünyanın ən yaxşı aviaşirkətlərinin yeni reytinq siyahısını dərc edib.

Ötən il pandemiyaya görə dərc edilməyən siyahıda 2021-ci ilin lideri - İlin Hava yolları Şirkəti Qatar Airways-dir.

Artıq 6-cı dəfə bu mükafata layiq görülən Qətər dövlətinin hava yolları şirkəti həmçinin, Ən yaxşı Biznes Klass, Ən yaxşı Biznes Klass Oturacağı və Orta Şərqin Ən yaxşı Aviaşirkəti nominasiyalarının da qalibi olub. 2-ci yerin sahibi Singapore Airlines isə Ən yaxşı First Klass və Ən yaxşı Uçuş Heyəti adını da qazanıb.

Yaponiyanın ANA All Nippon Airways şirkəti həm siyahıda 3-cü yerə, həm də Ən yaxşı Aeroport Xidməti və Ən təmiz Hava yolu Şirkəti nominasiyalarına layiq görülüb. Maraqlı nominasiyalardan birini - Ən təkmilləşmiş Aviaşirkət adını Saudi Arabian Airlines qazanıb.

Xatırladaq ki, Qatar Airways bu il həm də digər reytinq şirkəti - AirlineRatings.com saytının da Ən yaxşı Aviaşirkət titulunu qazanmışdı.

Skytrax-ın Ən yaxşı Hava yolu şirkətlərinin Reytinqi, ilk 10-luq:

Qatar Airways;

Singapore Airlines;

ANA All Nippon Airways;

Emirates;

Japan Airlines;

Cathay Pacific Airways;

EVA Air;

Qantas Airways;

Hainan Airlines;

Air France.

10 Ən yaxşı Loukost (Ucuzqiymətli) Hava yolları:

AirAsia;

Southwest Airlines;

Scoot;

Vueling Airlines;

IndiGo;

EasyJet;

Jetstar Airways;

Ryanair;

Jetstar Asia;

Flynas.