Fazil Mustafa: “AzTV peşəkarlığını göstərdi”

"Bu gün Zəfər bayramının televiziyalarımız tərəfindən işıqlandırılması təqdirəlayiq idi".

Avtosfer.az xəbər verir ki, bunu Milli Məclisin deputatı, Böyük Quruluş Partiyasının (BQP) sədri Fazil Mustafa deyib.

"Dövlət kanalı kimi tanınan AzTv-nin Qənimətlər Parkından, eləcə də Zəfər yürüşündən və Şuşadan fraqmentləri xüsusi peşəkarlıqla hazırlanmışdı.

"Real" TV də özəl kanal kimi həm şəhidlərimiz barədə fərdi tanıtımlar və çox yaxşı məlumatlandırıcı proqramlar təqdim etdi.

"Space" kanalında da şəhidlərimizin qəhrəmanlığı rəngarəng formada təqdim olundu.

ATV, "Xəzər", ARB, "CBC Azərbaycan", "Mədəniyyət" kanallarının əməkdaşları da peşəkarlıqla Zəfər Bayramının dəyərini insanlarımıza çatdırdılar.

Bütün zəhməti olan televiziya jurnalistlərinə, bu televiziyaların idarəçilərinə göstərdikləri fədakarlığa görə təşəkkür düşür".