Finlandiya məhkəməsi azərbaycanlıların olduğu gəmi ilə bağlı qərar verdi

Finlandiya məhkəməsi telekommunikasiya kabelinə zərər vurmaqda şübhəli bilinən "Fitburg" gəmisinin heyət üzvünün həbs olunması barədə qərar qəbul edib.

Avtosfer.az xəbər verir ki, polis Ermənistan vətəndaşının həbs olunduğunu bildirib; onun yük daşıyıcısındakı vəzifəsi açıqlanmayıb. Üç heyət üzvünün ölkəni tərk etməsi qadağan edilib.

Gəminin heyəti 14 nəfərdən — Rusiya, Gürcüstan, Azərbaycan və Qazaxıstan vətəndaşlarından ibarətdir.

Xatırladaq ki, 31 dekabrda Finlandiya polisi Sent-Vinsent və Qrenadin bayrağı altında Sankt-Peterburqdan İsrailin Hayfa limanına üzən "Fitburg" gəmisini Finlandiya körfəzinin dibi ilə Helsinkidən Tallinə uzanan "Elisa" sualtı telekommunikasiya kabelinə zərər vurmaqda şübhəli bilinərək saxlayıb.