«Galendewagen»lə hoqqabazlıq edən sürücüyə baxın - VİDEO

«Mənim maşınım bahadır, yol verəcəklər» düşüncəsi ilə yaşamayın. Bir gün elə vuracaqlar ki, təkərlərin göydə qalacaq. «Mersedes - Galendewagen» markalı, 10 MM 455 dövlət nömrə nişanlı avtomobilin sürücüsünün yolayrıcını keçmə qaydalarından yəqin ki, xəbəri yoxdur. Yəqin o bilmir ki, belə yolayrıcında sağdan hərəkət edən nəqliyyat vasitəsinə yol vermək lazımdır. Çünki o, üstünlük daşıyır. Amma bu avtomobilin sürücüsü görün nə edir. Dönmə əməliyyatı aparır və dönür. Özü də gözləyir ki, sağdan gələn maşın bir az da yaxınlaşsın. Sanki acıq verir ki, mən beləyəm. Maşın ona yaxınlaşanda qəflətən hərəkətə başlayır və qəza şəraiti yaradaraq dönür. Elə bu videonu da Avtosfer.az-a «Galendewagen» sürücüsünün qəza şəraiti yaratdığı avtomobilin sürücüsü göndərib. Həmin sürücü bunları yazıb: «Bu səviyyəsizlərin bu qədər qudurğan olmalarının səbəbi, onların cəzalandırılmamasıdır. Elə düşünürlər ki, onlar necə istədi elə də olmalıdır. Amma yanılırlar. Çünki onun ortasından vuranda heç kim və heç nə, əgər pulu varsa belə, ona kömək edə bilmeyəcək. Belələri gec-tez öz cəzalarını alırlar».

Cavid