Gədəbəydə məmur müəllimi qaçırdı, saxlanıldı

Gədəbəydə məmur şəxs qız qaçırıb.

Avtosfer.az xəbər verir ki, Gədəbəy rayon Kommunal Müəssisələri Kombinatı İdarəsinin baş mühəndisi Alim İsmayılov rayonda müəllim kimi çalışan qadını zorla qaçırıb. Həyata keçirilən tədbirlərlə A.İsmayılovun yeri Yevlax rayonunda müəyyən edilib və onun avtomobili saxlanılıb. Qaçırılan qadın ailəsinə təhvil verilib.

Hadisəni törətmiş məmur saxlanılıb. Onun barəsində Cinayət Məcəlləsinin müvafiq maddəsi ilə cinayət işi başlanılıb.

Qeyd edək ki, hadisə barədə ilk məlumatı Milli.az saytı yayıb.