Gənclər öz ciblərindən pul xərcləyib piyada keçidini rənglədi - VİDEO

Sosisal şəbəkələrdə yaradılmış «Azərbaycan naminə» qrupu maraqlı addım atıb. Avtosfer.az-ın məlumatına görə, qrup üzvləri Qaradağ rayonu, Lökbatan qəsəbəsi, 28 May küçəsindəki Olimpiya stadaionunun qarşısında yerləşən piyada keçidini öz vəsaitləri hesabına rəngləyiblər. Hərəkətin intensiv olduğu bu keçiddən istifadə edənlərin əksəriyyəti şagirdlərdir. Lakin zebra demək olar ki, tamamilə silinib və bu da insanların həyatı üçün təhlükə yaradır. Qrup üzvləri də təxminən 50 manat xərcləyərək 5 litir selulozik boya (tez quruyan) və bir neçə ədəd diyircəkli rəng fırçası (rolik) almaqla gecə vaxtı piyada keçidini rəngləyiblər. Qrup admininin yazdığı fikirləri də oxuculara təqdim edirik: «Məncə, insanlara xidmət üçün çox az məbləğdir. Bu video insanları vətənə məhəbbət bəsləməyə səsləmək üçün çəkilib. Fikir belədir ki, hər kəs öz qapısının qarşısını təmizləsə hər tərəf təmiz qalar. İki gecə yuxusuz qalıb bu videonu ərsəyə gətirdim. Bilirəm, qüsurlar var, amma gərək, bağışlayasınız». 

Emin