Göyçay İcra Hakimiyyətinin bir gündə 4 tenderi ləğv olundu

Göyçay rayon İcra Hakimiyyəti dünən “qara zolağa” düşüb.

Avtosfer.az hurriyyet.az-a istinadən xəbər verir ki, sözügedən dövlət qurumunun 4 tenderi bir gündə ləğv edilib.

Belə ki, inzibati binanın cari təmiri, ehtiyat hissələri və sürtkü yağlarının alınması, maşın avadanlıq və inventarların alınması, habelə dəftərxana ləvazimatları və katriclərin doldurulması üzrə satınalma müqavilələri etibarsız hesab olunub.

Qeyd edək ki, İcra Hakimiyyəti bu işlər üçün toplam 21 min manat xərcələməyi planlaşdırmışdı. Lakin Antiinhisar cə İstehlak Bazarına Nəzarət Xidməti sözügedən qurumun “Dövlət satınalmaları haqqında” qanunun 36.1.1-ci maddəsini pozmasını əsas tutaraq, tenderin nəticələrini ləğv edib.