Göyçayda şagirdlərlə maarifləndirici görüş keçirilib - FOTO

Göyçay rayon Ləkçıplaq kənd 1 saylı orta məktəbdə “Narkomaniyaya yox deyək”, “Erkən nikahın fəsadları” və Kibercinayətkarlığa qarşı mübarizə” mövzularında maarifləndirmə tədbiri keçirilib. 

RPŞ-nin rəisi, polis polkovniki Müqalib Abdıyev görüşdə narkotik vasitələrin  insan sağlamlığına və mənəviyyatına vurduğu zərbə, ondan qorunma yolları barədə şagirdlərə ətraflı məlumat verib, antinarkotik təbliğatının daha da gücləndirilməsi məqsədilə keçirilən tədbirlərin əhəmiyyətindən danışıb. 

Tədbirdə erkən nikahın fəsadlarından və kibercinayətkarlığa qarşı mübarizə hallarından da söz açılıb, qeyd olunan mövzularla bağlı şagirdlərlə maarifləndirici söhbətlər aparılıb. 

Sonda məktəbliləri maraqlandıran suallar cavablandırılıb.