Güclü qar səbəbindən bir neçə hava limanı bağlanıb - Yollarda qəzalar baş verib - FOTO

Böyük Britaniyada güclü qar səbəbindən bir neçə hava limanı bağlanıb, avtomobil yollarında qəzalar baş verib.

Avtosfer.az xəbər verir ki, Mançester hava limanı və Liverpulun Con Lennon aedroportu qar səbəbindən uçuş-enmə zolaqlarını müvəqqəti bağlayıb.

Mançester hava limanından verilən açıqlamada güclü qar müşahidə edildiyi bildirilib və komandanın uçuş-enmə zolaqlarını mümkün qədər tez təmizləmək üçün çalışdığı vurğulanıb. Liverpul Con Lennon hava limanı isə uçuş-enmə zolağının bağlı olmasına baxmayaraq, fəaliyyətini davam etdirir.

Dünən axşam saatlarından etibarən Bristol hava limanında da uçuşlar dayandırılıb. Londonun Luton aeroportunda da oxşar vəziyyət yaşanıb. Burada da güclü qarın yağdığı müşahidə edilib. Hava limanının veb-saytında bəzi reyslərin gecikdiyi göstərilir.

Səyahətçilərə hava limanlarına getməzdən əvvəl vəziyyətlə tanış olmaq tövsiyə edilir.