Gün qısaldıqca oğurluq halları artır – PARADOKS

İsveçrə polisi oğurluqla mübarizə günündə maraqlı məlumat yayıb.

Lent.az-ın İsveçrə mətbuatına istinadla xəbərinə görə,  polis bildirir ki, gün qısaldıqca mənzillərdən oğurluq halları da intensivləşir. 

Söhbət oktyabr ayından martın sonunadək olan dövrdən gedir. Əslində burada qeyri-adi heç nə yoxdur. Mənzil oğruları qaranlıq vaxtı boş evləri daha tez müəyyən edə bilirlər. Çıxış yolu kimi evdəki işıqların gecə vaxtı yanıb-sönməsini təmin edən rele quraşdırmaq, bir neçə dəqiqəlik uzaqlaşdıqda belə evin qapısını açarla bağlamaq lazımdır.