İki oliqarx övladının yarım milyonluq qəzası

Xəbər verdiyimiz kimi, bir müddət öncə Qəbələ şəhərində ağır yol-nəqliyyat hadisəsi baş vermişdi. 10 KJ 200 dövlət nömrə nişanlı "Mercedes-Benz Gelandewagen” markalı avtomobil digər 10 BZ 555 dövlət nömrə nişanlı "Mercedes-Benz Gelandewagen”lə toqquşmuşdu. Məlumata əsasən, ciddi xəsarət alan olmasa da, avtomobillər yararsız hala düşmüşdü. Həmin qəzada yarasız vəziyyətə düşən avtomobillərin sahibləri məlum olub. Məlumata görə,"Mercedes-Benz Gelandewagen”lərdən biri Sumqayıtın məşhur iş adamlarından olan Ağamirzə Əhədovun nəvəsinin, digəri isə bir müddət öncəyə qədər "Metrotuneltikinti" ASC-nin idarə rəsi olan, Sumqayıtdakı "Nur" şadlıq evi və digər obyektlərin sahibi olar Qərib Dadaşovun oğlunundur. (mia.az)