“İş yerləri ilə bağlı sosial şəbəkələrdə boş-boş danışırlar” - Hicran Hüseynova

Milli Məclisin Ailə, qadın və uşaq məsələləri komitəsinin iclasında çıxış edən komitə sədri Hicran Hüseynova sosial şəbəkələrdə iş yerləri ilə bağlı yayılan fikirlərə münasibət bildirib.

Avtosfer.az xəbər verir ki, Qarabağ və Şərqi Zəngəzurda yeni iş yerlərinin yaradılması ilə bağlı səslənən tənqidlər əsassızdır və regionlarda işləmək imkanları genişdir.

H.Hüseynova vurğulayıb ki, ölkədə müasir infrastruktur qurulub, yol və kommunikasiya şəraiti kifayət qədər yaxşıdır. Onun sözlərinə görə, bir çox Avropa ölkələrində insanlar yaşadıqları şəhərdən başqa bölgələrdə və ya ölkələrdə işləyirlər və bu, normal praktikadır. Komitə sədri hesab edir ki, Azərbaycanda da vətəndaşlar yaradılan imkanlardan istifadə etməli, hər yeniliyi mənfi cəhət kimi təqdim etməyə çalışmamalıdırlar.