İsrail Türkiyəyə uçuşları bərpa edəcək - 15 ildən sonra

İsrail aviakompaniyaları 15 illik fasilədən sonra Türkiyəyə müntəzəm uçuşları bərpa edə bilər.

Avtosfer.az xəbər verir ki, iki ölkə arasında münasibətlərin normallaşdırılması çərçivəsində mülki aviasiya sahəsində yeni əməkdaşlıq sazişinin imzalanması planlaşdırılır.

Mənbə yazır ki, bu məsələ üzrə danışıqlar bazar ertəsi günü baş tutacaq.

Tərəflər arasında keçiriləcək görüşdə İsraildən birbaşa uçuşların bərpası, onların tezliyinin artırılması və təhlükəsizlik məsələlərinin nizamlanması müzakirə olunacaq.

Qəzet qeyd edir ki, İsrail aviadaşıyıcıları 2007-ci ildən Türkiyəyə uçuşları dayandırıb. Bununla belə, türk aviakompaniyaları İsrailə müntəzəm reysləri yerinə yetirir.

Bizim.Media