İsti sinif divarlarını soyuq səngərə dəyişən şəhid müəllim - VİDEO

Vətən müharibəsində isti sinif divarlarını soyuq səngərə dəyişən müəllimlərimiz də az olmadı. Onlardan biri Abşeron rayonu, Masazır kəndində riyaziyyat müəllimi işləyən Qoşqar Ömərovdur.
O, Vətən müharibəsi başlayanda qələmi silaha dəyişərək ordu sıralarına könüllü yazılıb. Vətənpərvər müəllim döyüşlərdə qəhrəmanlıqla vuruşub, minlərlə vətən oğlu kimi o da torpaqlarımızın azadlığı uğrunda canından keçib.
Baku TV 5 Oktyabr - Beynəlxalq Müəllimlər Günü münasibəti ilə şəhid Qoşqar Ömərovun ailəsində olub. Şəhid müəllim hələ uşaq vaxtlarından savadı, istedadı, vətənpərvərliyi ilə sayılıb-seçilib. Orta məktəbdə atası Səxavət müəllimdən riyaziyyat dərsi alan Qoşqar elə atası vasitəsi ilə də bu peşənin vurğunu olub.
Qoşqarın son döyüşü noyabrın 3-də Şuşa ətrafında, Daşaltı kəndinin yaxınlığında olub. Ağır döyüş əməliyyatlarında sinəsini sipər edən qəhrəmanımız vətən uğrunda canından keçib və noyabrın 5-i Ömərovlar ailəsi övladlarının şəhid olması xəbərini alıb.
Qeyd edək ki, Qoşqar Ömərov ölümündən sonra “Vətən uğrunda”, “Cəsur döyüşçü”, “Xocavəndin azad olunmasına görə”, “Füzulinin azad olunmasına görə”, ”Şuşanın azad olunmasına görə” medalları ilə təltif edilib.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












