İtaliyaya vizaların verilməsi niyə gecikir? – Səfir açıqladı

İtaliya səfirliyi vizaların verilməsində gecikmələrin olmasından xəbərdardır.

Avtosfer.az “Report”a istinadən xəbər verir ki, bunu İtaliyanın Azərbaycandakı səfiri Luka Di Canfrançesko jurnalistlərin sualını şərh edərkən deyib.

“Biz bu məsələdən xəbərdarıq və bunun üzərində həm Romada, həm də burada bərabər şəkildə işləyirik. Ən yaxşı həll yolu axtarmaq üçün məsələnin mahiyyətini öyrənirik”, – diplomat bildirib.

O qeyd edib ki, Azərbaycandan İtaliyaya viza almaq üçün müraciətlərin sayının artması sevindiricidir, çünki bu, ölkəyə artan marağın göstəricisidir.

“Lakin biz həm də vizanı gözləməyə çox vaxt sərf olunmasından narazıyıq. Lakin bu, milli səviyyədə deyil, Avropa Birliyinin standartlarıdır və biz heç nə edə bilmərik”, – səfir bildirib.