İtlər hava limanında koronavirus xəstələrini müəyyən edib
Xəbərlər 18 May 2022 17:44 Oxunub 1910
İtlər hava limanında koronavirus xəstələrini müəyyən edib

Alimlər əvvəllər narkotik və partlayıcı maddələri qoxuya görə müəyyən edən dörd itə SARS-CoV-2 xəstələrini tapmaq üçün xüsusi təlim keçiblər.

Heyvanlara 420 könüllünün nümunələri təqdim olunub. Onlardan 114-ü koronavirus üçün müsbət test verib.

İtlərin diaqnostik dəqiqliyi 92% təşkil edib.

Bundan başqa, dördayaqlılar heç bir əlaməti olmayan 28 nəfərin xəstə olduğunu müəyyən edib. Sonradan məlum oldu ki, onlardan 25-i həqiqətən də COVID-19 xəstəsi olub.

Tədqiqatçılar daha sonra 2020-ci ilin sentyabrından 2021-ci ilin aprelinə qədər Finlandiyanın Helsinki-Vantaa Beynəlxalq Hava Limanında itləri sınaqdan keçiriblər. Hər bir sərnişin PCR yaxma testindən də keçib. Məlum olub ki, test nəticələri ilə itlərin işi 98 faiz üst-üstə düşüb.

oxu.az

ŞƏRH YAZ
Ad

E-mail

Şərh