Kəbəni ziyarət etmək istəyənlər CƏRİMƏ OLUNACAQ

Səudiyyə Ərəbistanı Ramazan ayında Məscidül-Hərama giriş şərtlərini pozaraq, Ümrə ziyarətinə gedənlərə və Məscidül-Həramda icazəsiz namaz qılmağa cəhd edənlərə cərimə tətbiq etməyə qərar verib.

Publika.az xəbər verir ki, bu barədə Səudiyyə Ərəbistanı Daxili İşlər Nazirliyi açıqlama verib.

Nazirliyin verdiyi açıqlamada Ramazanda heç bir icazə sənədi olmadan ümrə ziyarəti edərkən yaxalananların 10 min rial və Məscidül-Hərama qanunsuz olaraq girməyə çalışanların min rial cərimə ediləcəyi bildirilib.