Kəlbəcərli köçkünlərin yol problemi həll olundu - VİDEO

Bir neçə gün əvvəl Goranboy rayonunda məskunlaşmış bir qrupp məcburi köçkün Avtosfer.az saytı vasitəsilə Kəlbəcərin millət vəkili Cavid Qurbanova müraciət edərək yaşadıqları Yuxarı Ballıqaya kəndində qar yağması nəticəsində yolun bağlandığını bildirmişdilər. Onların dediyinə görə, yolun buz bağlaması nəticəsində əhali əziyyət çəkir, rayonla əlaqə kəsilib və təhlükə yaranıb. Vətəndaşlar bildirirlər ki, məsələ ilə əlaqədar Goranboy rayon İcra Hakimiyyətinə, 58 saylı Yol İstismar İdarəsinə edilən müraciətlər isə cavabsız qalıb.

Bu gün Avtosfer.az-a əlaqə saxlayan “Azəryolservis” ASC-nin Xocalı 58 saylı Yol İstismar MMC-nin rəhbərliyi bildirdi ki, adıçəkilən Yuxarı Ağcakənd Ballıqaya yolu “Azəryolservis” ASC-nin xidmətinə aid deyil: «O, yollar orada fəaliyyət göstərən gips karyerlərinin və yerli bələdiyyələrin səlahiyyətindədir. O ərazidə məcburi köçkünlər heyvandarlıq təsərrüfatı ilə məşğul olmaq üçün pərakəndə yaşayırlar. 30-31 dekabr 2015-ci il tarixdə güclü qar yağması ilə əlaqədar yerli Goranboy rayon İcra Hakimiyyətinin, bələdiyyələrin və vətəndaşların xahişini nəzərə alaraq Xocalı 58 saylı Yİ MMC-i öz daxili imkanları hesabına vətəndaşların və nəqliyyat vasitələrin intensiv hərəkəti üçün yolların ağır texnikalar vasitəsi ilə qardan təmizlənməsinə köməklik göstərib. Adı çəkilən yollar çınqıl örtüklü yoldur. O ərazidə kompakt şəkildə məcburi qaçqınlar yaşamır. Yolun mövcud vəziyyəti Sizin saytınıza göndərilir. Baxa bilərsiz».

Fərid