Kim harda kölgəlik tapdı, orda günəşdən qorunmağa çalışır - VİDEO

Kim harda kölgəlik tapdı, orda günəşdən qorunmağa çalışır. Bəziləri isə bu qızmar istidə avtobusun içində gözləməli olurlar. Avtovağzalın olmaması sərnişin və sürücüləri açıq havada günəş şüaları altında qalmağa məcbur edir. Kadrlar Göyçay rayonundandır. Rayon ərazisində olan avtovağzal söküldüyündən marşrut avtobuslarının yeri dəyişdirilib. Hazırda müvəqqəti salınan avtovağzalda isə heç bir şərait yoxdur.

Xüsusilə də isti havalarda gözləmə zalının olmaması sərnişinlərin narazılığına səbəb olur. Göyçay rayon Avtovağzalının dispetçeri Mais Osmanov bildirdi ki, hazırda yeni müasir avtovağzalın tikilməsi üçün lahiyə-plan hazırlanır.

Qeyd edək ki, Göyçay avtovağzalından kəndlərlə yanaşı, Bakı, Ucar, İsmayıllı, Mingəçevir, Gəncə, Zərdab, Şamaxı və Ağcəbədi istiqamətlərinə də marşrut avtobusları hərəkət edir.