Lufthansa pandemiya başlayandan bəri ilk dəfə mənfəət açıqladı

Almaniyanın hava yolu şirkəti Lufthansa koronavirus məhdudiyyətlərinin ləğv edilməsi, ABŞ-a uçuşların yenidən başlaması və sərnişin sayındakı artımla əlaqədar olatraq sürpriz mənfəət açıqlayıb.

Marja xəbər verir ki, şirkətin ilin üçüncü rünüdə xalis mənfəəti 17 milyon avro (20 milyon dollar) təşkil edib. Analitiklər 169 milyon avro zərər gözləyirdilər. Mənfəətin əldə edilməsinə yükdaşıma reyslərindəki rekord artım da müsbət təsir göstərib.

Keçən il eyni dövrdə şirkət 1.26 milyard Avro zərər açıqlamışdı.

Lufthansa 4-cü rübdə də mənfəətdə qalacağını, tam il üzrə isə zərər açıqlayacağını nəzərdə tutur. Şirkət, 2022-ci ildə normal gücünün 70%-inə çatmağı planlaşdırır.