Min manat cəriməsi olan sürücüdən yol polisinə qarşı ŞOK İTTİHAM - VİDEO

Cərimə meydançasında saxlanılan avtomobilin ehtiyat hissələri sökülüb. Bərdədə məskunlaşan Kəlbəcər rayon sakini Əvəz Həşimov ötən ilin dekabr ayında idarə etdiyi minik avtomobili ilə birlikdə yol polisi əməkdaşları tərəfindən saxlanılıb və ödənməmiş cəriməsinə görə üzərində həbs olduğu üçün maşın cərimə meydançasına yerləşdirilib. Əvəz Həşimov iddia edir ki, həmin vaxt avtomobildə noutbuk və xeyli pul olub. 2 gün sonra cərimə meydançasına gəldikdə isə nə pulu, nə də noutbuku maşında tapıb.
Əvəz Həşimovun sözlərinə görə, səhhətində yaranan problemlərlə əlaqədar olaraq bu müddət ərzində paytaxtdakı xəstəxanalardan birində müalicə alıb. Avtomobil təxminən 11 ay cərimə meydançasında qaldıqdan sonra o cəriməsini ödəyərək avtomobilini götürmək istəyib. Məlum olub ki, avtomobilin ehtiyat hissələri sökülüb. İndi Əvəz Həşimov ona dəymiş ziyanın ödənilməsini tələb edir. O, bildirir ki, bununla bağlı adiyyəti qurumlara rəsmi şəkildə müraciət də edib.
Məsələ ilə bağlı Bərdə rayon Dövlət Yol Polisi Bölməsindən bildirildi ki, sürücünün iddialarının heç də hamısı doğru deyil. Belə ki, o, saxlanılarkən həm də içkili vəziyyətdə olub. Ödənilməmiş 116 manat cəriməsindən əlavə, ona 800 manat cərimə yazılıb. Bunlar onun imzaladığı protokolda da əksini tapıb. Üstəlik, pratakolda avtomobildə olan əşyalar siyahısında pul, notbuk və maqnitafonun olması götərilməyib. Sürücü bunu da imzası ilə təsdiq edib. O ki qaldı avtomobilin ehtiyyat hissələrinin sökülməsinə, bununla bağlı Əvəz Həşimovun müraciəti əsasında rayon Polis Şöbəsində araşdırma aparılır.
Hansı din xadimlərinin dövlət qulluğunda çalışmasına məhdudiyyət qoyulur? – DEPUTAT
Polad Həşimovun anasının son durumu AÇIQLANDI
Bakıda sürücülərin cərimələnməsinə səbəb olan yol xətlənməsi dəyişdirildi - VİDEO
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?












