Miqrantlar sərhədçilərə hücum ediblər

Miqrantlar Belarusla sərhəddə polşalı sərhədçilərə hücum edərək onlara daş atıblar. APA xəbər verir ki, bu barəd Polşanın Sərhəd Xidməti məlumat yayıb.

“Dünən, mayın 1-də Polşa patrulları iki dəfə hücuma məruz qalıb”, - məlumatda deyilir.

Hücumlar nəticəsində bir sərhədçi və bir Polşa Ordusunun əsgəri üz nahiyədən yaralanıblar.

Ümumilikdə, son 24 saat ərzində Polşa ərazisinə 100-dən çox qanunsuz giriş cəhdi qeydə alınıb.