Mirzoyan buna görə Bakıda həbsdə olan separatçıları günahlandırdı

Qarabağ ermənilərinin geri qayıtması məsələsi nəticəsi öncədən bilinən bir şeyə çevrilib.

Avtosfer.az xəbər verir ki, bu barədə Ermənistanın xarici işlər naziri Ararat Mirzoyan mətbuat konfransında bildirib. 

Mirzoyanın sözlərinə görə, Ermənistan hakimiyyəti 2020-ci ildə müharibədən sonra ermənilərin Qarabağda yaşamağa davam etmələri və müəyyən hüquqlara malik olmaları üçün bütün real səyləri göstəriblər: "Bu səylərə, məncə, Dağlıq Qarabağın (Azərbaycanın Qarabağ bölgəsi - red.) indiki, bəlkə də əvvəlki hakimiyyət orqanları (Hazırda Bakıda həbsdə olan separatçı rejimin hərbi-siyasi liderləri nəzərdə tutulur - red.) tərəfindən lazımi münasibət göstərilməyib. Bir növ, buna görə də bu gün əlimizdə olan şeyə sahibik".