Motosikletlə narkotik daşıyan fenomen də tutuldu - FOTO

Türkiyədə daha bir sosial media fenomeni saxlanılıb.

Avtosfer.az xəbər verir ki, İzmir şəhər Narkotiklərlə Mübarizə İdarəsinin əməkdaşlarına şəhərə narkotik gətiriləcəyi barədə məlumat daxil olub. Məlumatla əlaqədar yarış motosikleti idarə edən fenomen Oğuzhan Muslu və daha 2 sərnişininə qarşı əməliyyat keçirilib.

Nəticədə onların hər 3-ü saxlanılıb. Əməliyyat zamanı 550 qram metamfetamin, 750 qram ekstazi, 1 tapança və 11 patron tapılaraq götürülüb.

Saxlanılanlar məhkəməyə çıxarıldıqdan sonra həbs edilib.

Qeyd edək ki, bundan əvvəl Türkiyədə sosial fenomenlər Dilan Polat və əri Engin Polat, həmçinin Banu Parlak həbs edilib.

Lent.az