Niyə bunlar qanunları tapdalaya-tapdalaya gəzirlər? - FOTO

Avtosfer.az-ın oxucularından biri Rövşən Fateh Bakının mərkəzində dayanma-durma qaydalarını pozan, avtobus dayanacaqlarını zəbt edən avtomobillərin fotolarını bizimlə bölüşüb. Rövşən yazır ki, bəzi sürücülərə xəbərdarlıq olunsa da, deyilsə də yenə öz bildiklərini edirlər. Şəkillərdə sizə Azneft meydanındakı avtobus dayanacağındakı mənzərəni göndərmişəm. Gördüyünüz kimi, avtobus dayanacağının qarşısındakı zolağın üstündə şəxsi maşınlar və taksilər saxlayır. Avtobusların dayanacağa girib-çıxmasına mane olurlar. Mən  bir vətəndaş kimi bunlara «burada saxlamayın» dedim, amma xeyri olmadı. Bunlara qarşı niyə ölçü götürən yoxdur? Xahiş edirəm, aidiyyəti orqanlar belə sürücülərə qarşı ölçü götürsün, cərimə etsin. Bu ölkədə qanunlar var, niyə bunlar tapdalayı-tapdalıya gəzirlər?

Fərid