Nuran Abdullayev: "Prezident İlham Əliyev nə zaman hansı gedişi edəcəyi bilinməyən ən güclü siyasi şahmat ustasıdır"

Son üç həftədə Almaniya və Belçikada təşkil olunan beynəlxalq konqreslərdə iştirak etdim.

Avtosfer.az xəbər verir ki, təkcə Avropanın deyil, eləcə də uzaq qərb və şərq ölkələrinin elm adamlarının da qatıldığı bu önəmli tədbirlərdə dünyadakı elmi yeniliklər və nümunəvi səhiyyə sistemlərindəki inkişaf potensialları müzakirə edildi.

Mənim üçün xüsusi qürurverici isə qatıldığım rəsmi ziyafət axşamlarında Azərbaycanla bağlı, xüsusilə də Prezident İlham Əliyevin fəaliyyəti barədə olan müzakirələr idi.

Üzüm gülürdü. Çünki söhbətə qoşulan hər kəs Azərbaycan haqqında xüsusi rəğbətlə danışır və sual doğuran məsələlərdə izahatımdan sonra Azərbaycanın xeyrinə doğruları qəbul edərək mövqe ortaya qoyurdu. 

Çox detallı yazmaq istəmirəm, amma Azərbaycan və prezidentimiz haqqında eşitdiyim bütün gözəl sözlər məni çox qürurlandırdı. Bir daha əmin oldum ki, Prezident İlham Əliyev beynəlxalq siyasətdə nə zaman hansı gedişi edəcəyi bilinməyən ən güclü siyasi şahmat ustasıdır.

(moderator.az)