Parkinq qaydasını bilməyən sürücüdən nə gözləyəsən? - FOTO

«Gəlin razılaşaq ki, aramızda sürücülük mədəniyyətindən xəbərsiz çoxlu «sürücü»lər var. Belələrinə hər yerdə rast gəlmək olar. Mənim 03.07.2015-ci il tarixində, saat 08:40 da Y.Əliyev küçəsində rastlaşdığım mədəniyyətsiz sürücü 90 SC 426 dövlət qeydiyyat nişanlı maşının sahibidir». Bunu Avtosfer.az-a Seymur adlı oxucu yazıb. O bildirib ki, əslində, «Nissan» markalı avtomobilin sürücüsü ilə rastlaşa bilməyib: «Çünki 2 saat gözləməyimə baxmayaraq gəlib maşınını çəkmədi ki, mən maşınımı güc-bəla ilə oradan çıxardım. Fotolardan göründüyü kimi, həmin avtomaşının sürücüsü nəqliyyat vasitəsini bir neçə maşının qarşısında saxlayaraq onların hərəkətini məhdudlaşdırıb. Özü isə harasa qeyb olub və çox güman ki, bu hərəkətinə görə onun haqqında deyilən «dəyərli sözlər»dən xəbərdardır. Zəng etməyin, siqnal verməyin mənasız olduğunu görüb məhəllə sakinlərinin köməyi ilə zibil qutularını kənara çəkərək maşını çətinlikə də olsa çıxardım. Allah bizi belə sürücülərdən uzaq elesin».

Emin