"Paşinyan teatr qurur, bəziləri "qurban" gedəcək" - Erməni KİV

“Arayik Arutyunyanla Samvel Babayan arasında münasibətlər gərginləşib. Onun qohumları Babayanın əleyhinə müsahibələr verir, müharibənin böyük məsuliyyətini onun çiyninə qoymağa çalışırlar, xüsusən də Babayan Paşinyanı məşhur Lələ-Təpə əməliyyatı keçirməyə razı salıb və uğursuzluğa düçar olub, ordunun onurğasını sındırıb. 

Avtosfer.az xəbər verir ki,  bu  barədə “Hraparak” qəzeti yazıb.  Nəşrin məlumatına görə, Ermənistanın  Baş naziri Nikol Paşinyan məğlubiyyətin fəsadlarını hakim qurumların üzərinə  atır:

"Nikol Paşinyan tezliklə böyük teatr hazırlayır. Bu, 44 günlük müharibənin məğlubiyyət  səbəblərini araşdıran İstintaq komissiyasının  nəticəsi olacaq. Bəziləri bu işin nəticəsinə  “qurban” gedəcək. Hakimiyyət düşünür ki, müharibənin məğlubiyyəti bu və ya digər şəkildə həzm olunmayacaq, toplanacaq və nə vaxtsa xalqı ayağa qaldıracaq, ona görə də narazılığı müəyyən istiqamətə yönəltmək lazımdır".

Unikal.org