PUA hücumu səbəbindən Soçi hava limanı fəaliyyətini dayandırdı

Soçi şəhərində pilotsuz uçuş aparatlarının (PUA) hücumu təhlükəsi elan olunub.

Avtosfer.az xəbər verir ki, bu barədə şəhərin meri Andrey Proşunin “Telegram” kanalında məlumat verib.

O, sakinləri pəncərələrdən uzaq durmağa və pəncərəsiz otaqlarda gizlənməyə çağırıb. Küçədə olan şəxslərə isə zirzəmilərdə, yarımzirzəmi mərtəbələrdə, tunellərdə, yeraltı keçidlərdə və dayanacaqlarda sığınmaq tövsiyə olunub.

Proşunin bildirib ki, avtomobillərdə və çoxmərtəbəli binaların divarları yaxınlığında qalmaq təhlükəlidir. Həmçinin PUA hücumlarının çəkilişini aparmaq və həmin görüntüləri sosial şəbəkələrdə paylaşmaq qadağandır.

Mövcud təhlükə ilə əlaqədar Soçi hava limanı müvəqqəti olaraq reyslərin qəbulunu və göndərilməsini dayandırıb.