"Qarabağ"ın oyunçuları tıxaca düşdülər - Matç gecikir

Hazırda Londonda yollarda yaranan avtomobil sıxlığına görə “Qarabağ” futbolçularını daşıyan avtobus tıxaca düşüb.

Avtosfer.az xəbər verir ki, bu barədə CBC Sport-un məlumatında deyilib.

Bildirilib ki, bu səbəbdən “Tottenhem” – “Qarabağ” matçının gec başlayacağı ehtimal olunur.

Qeyd edək ki, UEFA Avropa Liqasının Liqa mərhələsinin I turu çərçivəsində “Tottenhem” (İngiltərə) – “Qarabağ”la qarşılaşacaq. Oyun “Tottenhem Hotspur” stadionunda keçiriləcək.

Əlavə edək ki, daha əvvəl matçın Bakı vaxtı ilə saat 23:00-da başlayacağı bildirilirdi.