Qatarların hərəkəti iflic oldu, insanlar yolda qaldı - FOTOLAR

İngiltərəni Avropa qitəsi ilə birləşdirən La-Manş tunelində yaranan texniki nasazlıq beynəlxalq qatar hərəkətində iflic yaradıb.

Avtosfer.az “Qafqazinfo”ya istinadən xəbər verir ki, bu barədə “Reuters” məlumat yayıb.

Agentliyin məlumatına görə, tunelin hava elektrik xətlərində baş verən nasazlıq səbəbindən London, Paris, Amsterdam və Brüssel şəhərləri arasındakı bütün “Eurostar” reysləri ləğv edilib.

“Eurostar” və “Le Shuttle” şirkətləri sərnişinlərə xəbərdarlıq edərək, səfərlərini başqa tarixə təxirə salmağı xahiş ediblər. Rəsmi bəyanatda bildirilir ki, elektrik kəsilməsi Londonun “St Pancras International” və Parisin “Gare du Nord” stansiyaları arasında ciddi gecikmələrə və son dəqiqə ləğvlərinə yol açıb”, – deyə məlumatda qeyd olunub.

Qeyd edək ki, şirkət rəsmiləri biletləri olmayan sərnişinlərin stansiyalara gəlməməsini tövsiyə edib.