Qazaxda narkotik yetişdirən şəxs saxlanılıb

Qazaxda qanunsuz olaraq narkotik vasitə yetişdirməkdə şübhəli bilinən rayon sakini Elviz Salmanov saxlanılıb.

Bu barədə Daxili İşlər Nazirliyindən (DİN)  bildirilib.

Vurğulanıb ki, Qazax Rayon Polis Şöbəsinin (RPŞ) əməkdaşları tərəfindən keçirilən tədbirlər nəticəsində E. Salmanovun yaşadığı evin həyətyanı sahəsinə baxış keçirilən zaman oradan xüsusi aqrotexniki qaydada qulluq etməklə yetişdirilmiş, ümumi çəkisi 6 kq 800 qram olan narkotik xassəli çətənə kolları aşkar edilərək götürülüb.

Bundan başqa E. Salmanovun yaşadığı evdən qurudulmuş marixuana, həşiş də aşkar edilərək götürülüb.

Faktla bağlı araşdırmalar davam etdirilir.