Qəribə olay; sığorta şirkəti sürücüdən pul istəyir – Azərbaycanda - VİDEO

Bu xəbərimiz avtomobil sığortası ilə bağlıdır. Daha dəqiq desək, avtomobilini kasko sığorta etdirdiyi halda qəzadan sonra pulunu sığorta şirkətindən ala bilməyən bir sürücüdən. Əslində bu, bir çox sürücünün başına gəlir: avtomobilini sığorta etdirir, ancaq qəzadan sonra pulunu ala bilmir. Bəs bu barədə qanunvericilik nə deyir? Hüququ pozulan sürücü nə etməlidir?

Ağdaş rayonunun Ləki kənd sakini Əhməd Hüseynov 6 ay əvvəl öz minik avtomobili ilə qəza törədib. Araşdırma nəticəsində yol hadisəsində digər avtmobilin sürücüsünün təqsirkar olduğu təsdiqlənib. Ancaq Əhməd Hüseynov 6 aydır ki, siğorta şirkətindən kompensasiyasını ala bilmir. Siğorta şirkəti isə ondan kompensasiyanın bir hissəsini geri ödəməsini istəyir

Ekspertlər isə deyirlər ki, qanunvericiliyə əsasən, bu kimi hallarda ilk olaraq icbari siğorta, daha sonra könüllü siğorta ödənməlidir. Kompensasiya isə siğorta şirkətinə sonuncu sənəd təqdim edildiyi gündən etibarən 1 həftə ərzində ödənməlidir. Bəs vətəndaşlar bu kimi hallarda ilkin olaraq hansı tədbirləri görməlidir?