Qətlə yetirilən tələbə qızlar ZORLANIBLAR ? – Rəsmi AÇIQLAMA

İstintaq Orenburq vilayətinin Qay şəhərində tibb kollecinin 3 qız tələbəsini öldürməkdə şübhəli bilinən şəxsin qətliamdan əvvəl təcavüz etməsi ilə bağlı mediada yayılan məlumatları təkzib edib.

Avtosfer.az Lent.az-a istinadla bildirir ki, bu barədə İstintaq Komitəsinin Orenburq vilayəti üzrə idarəsinin nümayəndəsi Radik Qalimov açıqlama verib. 

Onun sözlərinə görə, kriminoloqlar bu versiyanı təsdiq etməyiblər. Hazırda şübhəli şəxslə bağlı istintaq hərəkətləri davam etdirilir.

İstintaq Komitəsi tezliklə cinayətin son versiyasını açıqlayacağına söz verir.

Digər məlumata görə, 17,18 və 19 yaşlı tələbə qızların qətlində şübhəli bilinərək saxlanılan 29 yaşlı Aleksandr Lazarev Orskda xəstəxanaya yerləşdirilib. Həbs edildikdən dərhal sonra vəziyyəti pisləşib və buna görə də hüquq-mühafizə orqanlarının əməkdaşları onu dindirə bilməyiblər. Onun narkotik istifadəsi səbəbindən vəziyyətinin pisləşə biləcəyi ehtimal edilir. Lazarevin vəziyyəti sabitləşən kimi onunla lazımi istintaq hərəkətləri aparılacaq.

Qətlə yetirilən tələbə qızların meyitləri sentyabrın 30-da aşkar olunub. 

İlkin məlumatlara görə, qatil onları mətbəx bıçağı ilə bıçaqlayıb. Lazarevin əvvəllər məhkum edildiyi və 2021-ci ilin iyulunda həbsdən çıxdığı da məlum olub. Molekulyar genetik müayinə onun cinayətdə iştirakını təsdiqləyib.