“Ural Hava Yolları” Rusiyanın yeddi şəhərindən Bakıya birbaşa aviareyslər həyata keçirməyə başlayacaq.

Bu barədə TASS şirkətin mətbuat xidmətinə istinadən məlumat yayıb.

“Mayın 29-dan Krasnoyarsk, 31-dən Omsk, Novosibirsk, Nijniy Novqorod, iyunun 3-dən Perm və Mineralnıye Vodı, 4-dən isə Samaradan Bakıya həftədə bir dəfə olmaqla müntəzəm aviareyslərə başlayırıq”, - deyə “Ural Hava Yolları”ndan verilən məlumatda bildirilib.