Rusiya hökuməti taksi məsələsində geriyə addım atdı - FOTO

Ruisya hökumətinin ötən ay taksi avtomobilləri ilə bağlı verdiyi təklif qəbul edilməyib. 

Avtosfer.az xəbər verir ki, hökumət taksi xidməti üçün yalnız lokallaşma səviyyəsi böyük olan yerli avtomobillərin istifadəsini təklif edirdi. 
Rusiya İş Adamları İttifaqı təklifi dəstəkləməyib. Qurum bildirib ki, taksi şirkətlərinin seçimi azaldığı üçün monopoliya yaranacaq, avtomobil qiymətləri bahalaşacaq. Bu da müflisolma riskini artırır. Paralel olaraq qanunsuz taksi fəaliyyəti də artacaq.

Rusiya Dövlət Şurası da taksi üçün yerli avtomobil tələbini ləğv etməsə də, lokalizasiya tələbini aradan qaldırıb. 

Qeyd edək ki, Rusiyaya qarşı sanksiyalardan taksi xidməti də ciddi ziyan görüb. Taksi şirkətləri xoşlamadıqları halda Çin və Rusiya istehsalı olan avtomobillərlə xidmət göstərməyə məcbur olub.

Vüqar