Rusiyalılar sərhədin vaxtından əvvəl bağlanması səbəbindən Finlandiya tərəfində qalıb

Vaalimaa keçid məntəqəsinin vaxtından əvvəl bağlanması səbəbindən Rusiya vətəndaşları Finlandiyadan evlərinə gedə bilmirlər.

APA xəbər vürir ki, bu barədə “Life” məlumat yayıb.

Bildirilib ki, dekabrın 15-i axşam saatlarında Rusiya sərhədinin girişində uzun tıxac yaranıb.

İndi Finlandiya gömrükçüləri yalnız Rusiya dövlət nömrə nişanlı avtomobil karvanının geri qayıtmasına icazə vermirlər.

Finlandiya rəsmiləri daha əvvəl bildirmişdilər ki, Rusiya Federasiyası ilə sərhədlər yerli vaxtla saat 20:00-dan (Moskva vaxtı ilə 21:00) bağlanacaq, lakin Vaalimaa keçid məntəqəsi naməlum səbəbdən vaxtından əvvəl bağlanıb.

Helsinki noyabrın sonunda Rusiya ilə sərhəddəki bütün keçid məntəqələrini bağlamaq qərarına gəlib.

Miqrantların axını ilə əlaqədar ölkə hakimiyyəti belə bir addım atıb.