Sakinlərin evə dönmək problemi həll olundu – FOTO

Dünən xəbər vermişdik ki, Bakıda «Azəryolservis» ASC-nin çəkdiyi yol sakinləri sevindirsə də, yolun üzərinə çəkilən düz xətt narahatlıq yaradıb. Bu barədə Avtosfer.az-a müraciət edən Binəqədi rayonu, Biləcəri qəsəbəsi, Natavan küçəsi 3 və 5 ünvanlarının sakinləri bildiriblər ki, yaşadıqları həyətə avtomobillə girib-çıxmaq mümkün deyil. Səbəb isə odur ki, yol qırıq-qırıq yox, bütöv xətlə xətlənib. «Azəryolservis»ə iki dəfə müraciət etmələrinə baxmayaraq heç bir tədbir görülməyib.

Bu gün isə «Azəryolservis» ASC-nin mətbuat xidmətinin rəhbəri Anar Nəcəfli Avtosfer.az-a bildirdi ki, sakinlərin müraciəti ilə bağlı materiala tanış olduqdan sonra dərhal həmin əraziyə baxış keçirilib və məlum olub ki, həqiqətən də məsələ şəll olunmamış qalır: «Çünki həmin vaxt başqa bir ərazidə problem olub, işçilər ora cəlb olunub. Lakin Biləcəri qəsəbəsində həmin ünvandakı problem də həllini tapdı. Artıq həmin ərazidə qırıq-qırıq xətt mövcuddur və sakinlər də evlərinə rahat gedə bilərlər».

Elmin